Os días 13, 14 Y 15 de Febreiro do ano 2.004, celebrouse a XIª edición do Torneo Internacional de Copa do Mundo "Cidade da Coruña", na que participaron 140 deportistas de 23 países. O domingo, tras a proba individual que finalizou o sábado, celebrouse a competición por equipos nacionais, puntuable tamén para a copa do mundo por equipos. Esta é xa a terceira edición na que se celebra esta proba por equipos.

A proba desenvolveuse segundo o regulamento F.I.E., constando dunha primeira volta clasificatoria o vnres 13 e, a continuación o sistema de eliminación directa de 128 tiradores, estando exentos da mesma os 16 primeiros do Ránking Mundial que entraron en competición na directa de 64.

O sábado 14 pola mañá, celebrouse a eliminación directa de 64 tiradores ata a final

O domingo 15 celebrouse a competición por equipos, que consistiu nun cuadro de eliminación directa ata a final, con equipos de tres tiradores que se enfrentaron de manera sucesiva en asaltos de 5 tocados, gañando o equipo que chegou ós 45 tocados

O italiano Salvatore Sanzo foi o vencedor do torneo individual que terminou o sábado. Os tiradores transalpinos foron sen dúbida os grandes dominadores da proba, chegando tres de eles ás seminifinais. Na primera delas, Sanzo venceu ó seu compatriota Simone Vanni por 15-9, e na segunda, o xoven Andrea Cassara, vencedor da edición anterior del torneo, desfíxose de Ralf Bissdorf, á súa vez vencedor en 2002 e 2001, por un contundente 15-6.

Na final italiana entre Sanzo e Cassara, impúxose o primeiro por un axustado 15-13, conseguindo gañar por terceira vez o campeonato coruñés (xa o fixera en 1999 e en 2000)

Vista a superioridade individual dos italianos, era de esperar unha grande actuación na competición por equipos. Italia derrotou sucesivamente a Estados Unidos, Francia e China. Cos asiáticos tivo bastantes problemas, ó vencer só por 45-43, e é que o equipo chino demostrou estar a un grandísimo nivel. Tamén foi muy igualado o duelo polo terceiro posto. Francia derrotou a Alemaña por un só tocado, 45-44.

Participaron nesta edición tiradores de 23 países: Alemaña, Austria, Bélxica, Corea, Hungría, China, Exipto, España, Estados Unidos, Francia, Gran Bretaña, Holanda, Hungría, Israel, Italia, Xapón, Mexico, Polonia, Portugal, Rusia, Suecia, Tailandia e Venezuela.